“It’s complicated.”
Uso yan ngayon. Trending ba. Sabi
nga sa quote na nabasa ko, “Uso ngayon ang larong sweet sweet-an, ang unang
ma-fall, TALO.” Kaya nga merong M.U. – Magulong Usapan, MisUndersntanding,
Mutual Understanding (daw).. at kung ano pa ang depinisyon mo ng M.U.
But well, hindi naman yan ang
topic ko. Zero ang love life ko at hindi ko rin tipo ang ganyang laro. SIGURO,
masyado lang akong attached sa phrase na “It’s complicated”.
“It’s complicated.” Yan ang
status. Oh, don’t get me wrong. Hindi yan ang relationship status ko ngayon at hindi magiging ganyan kahit na kailan. So ano ang complicated? Uhm,
palitan natin. SINO ang complicated?
SIYA. Sinong siya? Basta siya.
SIGURO NGA.
Siguro nga, komplikado siya
mag-isip. Siguro nga, mahirap siyang intindihin. Siguro nga, masyadong weirdo. Sabi
nga ng mentor niya one time, “Welcome to the club of weirdos my friend!” Haha!
Well, naniniwala naman akong may
kanya-kanya tayong ka-weirduhan. Siguro nga, iba iba lang ng level. Kaya nga
minsan, yung maintindihan ka lang ng iba sobrang natutuwa ka na. Minsan gusto
mo pang mag-celebrate. Kaya minsan, mas lalo ka tuloy nagmumukang ewan. Pero
okay naman maging weird eh. Kahit minsan lang, nafi-feel mong iba ka, unique
ka, wala kang katulad. Pero sabi nga nila, everything has a price.
Minsan, ikaw ang nasasaktan sa sarili mong ka-weirduhan at madalas
ikaw ang naiinis sa sariling mong pag-iisip. Minsan pwede naman kasing simple
lang, ginagawa mo pang komplikado. Minsan pwedeng dedmahin mo nalang, pero
dahil may konting sapak ka, pinapansin mo pa. Kaya madalas, nasasaktan ka. Ang
mas masakit pa nga, ikaw mismo hindi mo naiintindihan ang sarili mo.
Nakakabaliw kaya. Pero ganun talaga eh. So kung masaktan at mainis ka,
well, tanggapin mo na lang.. ginusto mo yan eh, di ba? Kahit minsan masakit,
well, you have no choice, just endure the pain and enjoy the tears. Hehe.
Pero sabi nga niya, may masakit
pa dyan. Yung pakiramdam na akala mo nauunawaan ka, pero sa totoo lang, hindi
pala. Ayos lang naman kahit hindi ka maintindihan eh. Alam mo naman sa sarili
mo na medyo baliw ka at may konting saltik ang mga ideya mo. Pero sana pala,
walang magpapanggap na naiintindihan ka kung hindi naman pala. Lagi namang may
taong makakaunawa eh. Kahit isa lang, ayos na yun. At least may isa. Hindi mo
na kailangan ng pangalawa kung joke lang naman pala. Minsan tuloy akala mo
suportado ka, pero sa dulo, maiiwan ka lang mag-isa. Masakit kaya yun. 'di ba?
Pero pag dumadating ang ganyang
panahon sa kanya, panahon ng tag-ulan, ayos lang. At least, napapatunayan niyang tao pa
rin siya.. nasasaktan. At syempre, natututo naman, kaya ayos lang :)
Kaya pag sinumpong siya ng
ka-weirduhan niya, enjoy na lang! Minsan minsan lang naman yun eh. Pero pag
nasaktan siya, tinatanggap din niya. Choice niya yun eh.
Siguro nga, weird siya. Siguro
nga, komplikado minsan. Siguro nga, mahirap intindihin minsan. Kahit ako
nahihirapan eh. Hehe. Pero masaya akong unawain siya. Masaya akong may ibang
linggwahe kaming nalalaman. Pero sa mga panahong hindi ko kayang intindihin,
well, sasabayan ko nalang siyang maligo sa ulan. Yun na lang mao-offer ko eh :D
Post a Comment